Munduan guztian Cabianca markaren enbaxadoreak izateaz gain, taldeko surflariek beste rol garrantzitsu bat ere badute gure etxean. Euren feedback-ari esker taulak hobetu eta fintzen jarraitzen dugu, etengabeko ikaskuntza prozesu bizi eta zoragarrian.

BRASIL

Gabriel Medina

1993, BRASIL

Johnny eta Gabriel 2009.urtean hasi ziren elkarlanean. Ordutik gaurdaino, historia egitea lortu duen ekipo aparta osatu dute. Biak Brasileko Maresias hondartzan haziak dira eta jatorriaz gain, etengabe ikasi eta hobetzeko obsesio bera dute barruraino sartuta. Gaur egun Medina munduko surflari onenetako bat bihurtu da, eta Cabiancarekin egindako lanak eragin zuzena izan du eboluzio horretan.

Rodrigo Saldanha

2004, BRASIL

Surfean buru-belarri dabiltzan gaztetxo askok bezala, Rodrigok surflari profesionala izan nahi du etorkizunean. Egunsentiarekin batera uretara sartzen lehena izan ohi da, eta iluntzean azkena ateratzen. Maresias bere surf gune kuttunetik bi ordu eta erdira bizi denez, surf saio bakoitza ahalik eta gehien zukutzea gustatzen zaio. Talentu aparta du, primerako surf taulak ere bai, eta dagoeneko munduan bueltaka dabil surf toki onenak surfeatzen … Eman egurra, gazte!

Ikusi Rodrigo surfean

Daniel Adisaka

2002, UBATUBA

Brasildar talentu berri bat da, Maresiasko “Instituto Medinarekin” bere surfa beste maila batera eramaten ari dena. Babesak eta entrenamenduak talentuarekin bat egiten dutenez gauza handiak espero ditugu Danielengandik.

Sophia Medina

2005, BRASIL

Surf egiteko talentu aparta izateaz gain, Shopiaren irribarre eta alaitasunak berehala harrapatu gintuzten. Gabriel Medinaren arreba gazteena da, eta bera du surfean trebatzen joateko erreferentzia nagusia. Hamabi urtetxorekin, milaka jarraitzaile ditu sare sozialetan. Artista hutsa da!

EUROPA

Nicolas Paulet

2004, BIARRITZ

Beste kasu benetan interesgarri bat: Nico bere adinerako teknika ikaragarria garatu duen mutil frantses atsegin bat da, oso zaila da podium bat beretik ere kanpo ikustea Europan parte hartzen duen txapelketetan.

Keoni Lasa

2005, BASQUE COUNTRY

Kontuz Keoniren irribarre lotsatiarekin, engainatu egingo zaitu! Lehiaketetan aritzeko grina izugarria du, ez zaio kaniketan ere galtzea gustatzen! Gutxien espero duzunean, Kantabriar kostaldeko edozein txokotan aurkituko duzu surfean, eta hondartzetan ez badabil, bere surf-gune ezkutuan ariko da entrenatzen … Wavegarden olatu artifizialeko lokala da!

Hemen bere surfaren lagin txiki bat

Titouan Boyer

1998, SAN MARTIN

Titouan Europako surflari argienetako bat da gaur egun. 13 urterekin, 2012ko Europako ISA Txapelduna izendatu zen, eta 2016ean maila berarekin jarraituz Europako WSL JQS Txapelketa irabazi zuen. Oso harro gaude Titouanen heldutasunean parte hartzen aritzeaz.

Justine Dupont

1991, SEIGNOSSE

Justine benetako Water Womana da (ala Wonder Woman al da?). Olatu handietara arraun egitetik eta SUPean maisutasunez ibiliz, shortboard batekin surf egin arte, Justinek denetarik egiten du eta denetarik du gustuko – WCTan eta guzti egin zuen surfean urte batez. Bere jarduera polifazetikoan parte harzteaz harro gaude, bai Cabianca eta baita Agote taulekin.

Lens Arancibia

1998, BIARRITZ

Lens frantziako surflari erakargarrienetako bat da teknika eta estilo bikaina dituena. Azken aldian WQSan parte hartze onak edukitzen ari da eta oso harro gaude bere arrakasten parte izateaz.

Neis Lartigue

2000, BIARRITZ

“Zure buruan sinetsi” hori da Biarritzko neska gazte maitagarri honen leloa, eta guk beregan sinesten dugu. Duela gutxi lortu du Néisek Pro Junior bateko bere lehen garaipena (Sopelan) eta aldi berean gogotsu ematen ari zaio longboardari eta skateboardari – erabilera anitzeko neska benetan!